Միջոցառումներ

2018թ-ի սեպտեմբերի 14-ին ՀՀ ոստիկանության Սյունիքի մարզային վարչության Սիսիանի բաժնի ՔՀԲ օպեր լիազոր ոստիկանության ավագ լեյտենանտ պարոն Նահապետյանը անցկացրեց դաս Սիսիանի հ 2 հիմնական դպրոցի 9-րդ դասարանի աշակերտների հետ <<Դասը վարում է ոստիկանը>> խորագրով:

2018 թվականի սեպտեմբերի 8-ի համապետական շաբաթօրյակին ակտիվորեն, մեծ պատասխանատվությամբ մասնակցեցին նաև դպրոցի աշակերտներն ու մանկավարժները. մաքրեցին դպրոցամերձ տարածքը, մարզահրապարակը……..

2018 թվականի սեպտեմբերի 8-ի համապետական շաբաթօրյակին ակտիվորեն, մեծ պատասխանատվությամբ մասնակցեցին նաև դպրոցի աշակերտներն ու մանկավարժները. մաքրեցին դպրոցամերձ տարածքը, մարզահրապարակը……..

2018 թվականի սեպտեմբերի 8-ի համապետական շաբաթօրյակին ակտիվորեն, մեծ պատասխանատվությամբ մասնակցեցին նաև դպրոցի աշակերտներն ու մանկավարժները. մաքրեցին դպրոցամերձ տարածքը, մարզահրապարակը……..

Սեպտեմբերմեկյան ակնթարթներ

Սիսիանի հ 2 հիմնական դպրոցը իր ջերմ ողջույնն է հղում բոլորին` շնորհավորելով Գիտելիքի, գրի, դպրության օրվա կապակցությամբ:
Բարի գալու’ստ 2018-2019 ուսումնական տարի:
Բարի ե’րթ գիտելիքների դարբնոց` դպրոց- դպրատուն…

 

 405թ. ամառային այդ խորախորհուրդ ու շենշող օրը ցնծության մեջ էր ողջ Հայաստան աշխարհը…
2018թ. մայիսի 18-ին նույնպիսի ցնծություն էր պարուրել Սիսիանի հ 2 հիմնական դպրոցի I <<ա>> դասարանցիներին (դասվար` Հ. Հայկարամյան), ովքեր առանձնակի հպարտությամբ ու մեծագույն սիրով պատմական յուրօրինակ էքսկուրսի հրավիրեցին իրենց ծնողներին, մանկավարժներին` բարձրաձայնելով հայ ժողովրդի գաղտնիքներից մեկը` հայոց այբուբենի ստեղծումը, որով<<գալիս ենք դարերից ու գնում ենք դեպի դարերը նորից…>>:
<<Ապրեց հայ ժողովուրդը ու ապրեցնողը հայոց այբուբենն է>>,- ակնածանքով, անթաքույց հպարտությամբ, խոնարհումով ազդարարեցին իրենց սերն առ հայոց այբուբեն` արդեն գրաճանաչ դարձած աշակերտները:

 

 2018թ. մայիսի 4-ին դպրոցում անցկացվեց ասմունքի, իսկ 7-ին՝ հայրենասիրական երգի մրցույթ՝ նվիրված ՀՀ և մայիսյան հերոսամարտերի 100-ամյակին:
Նախապես հայտագրվել էր 56 աշակերտ: Ահա բաղձալի ու սպասված օրը…
Ուրախություն, հուզմունք, հիացք…..
Աշակերտները մեծ հպարտությամբ, երաժշտության ու խոսքի հուժկու ուժով գովերգեցին Հայաստան-հայրենիքը՝ հավելելով, որ Հայաստանը մեր շուրթերին է, մեր հոգիներում, մեր սրտերում, մեր աչքերում:
Հանձնաժողովի անդամները (նախագահ՝ Հ. Ազարումյան) հաճելիորեն զարմացան այսօրվա տաղանդաշատ ու շնորհալի սերնդով:
Բայց, ինչպես բոլոր մրցույթներում, հաղթեցին լավագույնները, որոնք էլ արժանացան պատվոգրերի և գրքերի:

<<Սարդարապատի ճակատամարտը մեր հայոց պատմության ամենափառավոր էջերից մեկն է>>,- խրոխտ ձայնով ներկաներին իրազեկեց երկրորդ դասարանցի սևակն մանչուկը:
2018թ-ի մայիսի 5-ին հետաքրքիր, անմոռաց ու դիտարժան միջոցառման հեղինակ դարձան դպրոցի II բ դասարանի աշակերտները (դասվար` Աիդա Դավթյան), որն էլ հպարտությամբ ու սիրով նվիրեցին ՀՀ և մայիսյան հերոսամարտերի100-ամյակին: Ասես զանգերն էին ղողանջում ողջ միջոցառման ընթացքում` ավետելով հաղթական մայիսի շռնդալից ընթացքը:

Հոբելյանին ընդառաջ

2018 թ. ապրիլի 6-ին ավարտվեցին Հայաստանի Հանրապետության և մայիսյան հերոսամարտերի 100-ամյակին նվիրված գլխավոր ցուցատախտակի ձևավորման աշխատանքները:
2-րդ ա (դասվար՝ Ա. Ստեփանյան), 7-րդ ա (դասղեկ՝ Ն. Ամիրխանյան) դասարաններում ևս ստեղծվել են նույնատիպ անկյուններ: Գործընթացը շարունակական բնույթ կկրի:

<<Դեպի անկախություն.1918>>

Սիսիանի հ 2 հիմնական դպրոցի VIIIա դասարանում (հայոց լ. և գրականության ուսուցչուհի Ասյա Հովասափյան) միջոցառում էր կազմակերպվել <<Դեպի անկախություն.1918>> վերնագրով, որը նվիրված էր ՀՀ և մայիսյան հերոսամարտերի 100-ամյակին:
Աշակերտները հակիրճ զեկուցումներով, հայրենաշունչ բանաստեղծություններով, հայրենասիրական երգերով համեմեցին միջոցառումը, մեկ անգամ ևս հաստատեցին այն պարզ ճշմարտությունը, որ ՀՀ անկախության վերականգնումը հայ ժողովրդի կյանքում ունեցավ ոչ միայն քաղաքական, այլև պատմամշակութային խոշոր նշանակություն:

<<Իմ արծիվ և առյուծ Թորգոմատուն>>

Սիսիանի հ 2 հիմնական դպրոցում շարունակվում են միջոցառումները` նվիրված ՀՀ և մայիսյան տոների 100-ամյակին:
IXա դասարանում (դասղեկ` Գոհար Քարամյան) անցկացվեց << Մեր արծիվ ու առյուծ Թորգոմատուն>> վերտառությամբ միջոցառումը:
Ուսուցչուհին հանդես եկավ հակիրճ զեկույցով` պատմական էքսկուրսի հրավիրելով դեպի 1918թ. մայիսի 28…
<<Մայիսի 28, դու մեր հզոր Թորգոմատան արծիվն ես ու ու առյուծը:
Դառնանք ու փառաբանենք անունդ, գործդ, զոհաբերումդ ու պատգամդ>>:
Բանախոսի զեկույցը մերթընդմերթ ընդմիջվում էր աշակերտների հայրենասիրական երգ ու պարով, ասմունքով:
Միջոցառումն անմոռաց հետք թողեց ներկաների հոգում` մեկ անգամ ևս հավաստելով, որ 1918թ. մայիսի 28-ը ազատ ու անկախ ապրելու, ինքնահաստատման, վերապրելու և հարատևելու համազգային կամքի խարիսխն է:

<< Հայաստանը ռուս գրողների ստեղծագործություններում>>

2018թ. մարտի 14-ին Սիսիանի հ 2 հիմնական դպրոցի VIIբ դասարանում (ռուսաց լ. և գրականության ուսուցչուհի Ալլա Մակարյան) անցկացվեց <<Հայաստանը ռուս գրողների ստեղծագործություններում>> միջոցառումը` նվիրված ՀՀ և մայիսյան հերոսամարտերի 100-ամյակին: Աշակերտները սիրով, երախտագիտությամբ հնչեցրին ռուս գրողներ Վ. Զվյագինցևայի, Մ Պետրովիխի, Ս. Գորոդեցկու, Վ. Կոնոպլյովի ստեղծագործությունները, այնուհետև ունկնդրեցին հայ ժողովրդի լավագույն բարեկամ Վիկտոր Կոնոպլյովի` Հայաստանին, Արցախին նվիրված լավագույն ստեղծագործությունները` հեղինակի կատարմամբ, մարդ ,ով հայ-ռուսական կապերի ամրապնդման ու զարգացման,հայերի ցեղասպանության, Արցախի ճանաչման ջատագովն է, մարդ, ով իրեն համարում է հայ ժողովրդի ռուս որդի, ընտրում հայկական Արամ Կանեփյան անուն-ազգանունն ու բարձրաձայնում`
Россия – мать,
Айастан – отец…

Իմ գիրը քեզ, Հայաստա´ն

Վայելչագրություն, գեղագրություն, գեղեցիկ գրության արվեստ:
Հայոց գրերի զարգացմանը զուգընթաց մշակվել է նաև գրչության արվեստը:
Վայելչագրությունը որպես առարկա ձուլվել է մայրենի լեզվի տարրական դասընթացին:
Վայելչագրությունն այսօր էլ կարևոր նշանակություն ունի ձեռագրի պարզության, գեղեցկության ու ընթեռնելիության ապահովման առումով, վկան` դպրոցում անցկացված վայելչագրության մրցույթ-ցուցահանդեսը` նվիրված ՀՀ-100-ամյակին:

2018 թվական: Փետրվարի 21: Մայրենիի միջազգային օր…
Սիսիանի հ 2 հիմնական դպրոցի պատմությունը հարստացավ ևս մեկ հիշարժան օրով:
Մայրենիի օրվան նվիրված համատեղ միջոցառմամբ հանդես եկան Սիսիանի հ 2 հիմնական դպրոցի շնորհաշատ աշակերտներն ու քաղաքային գրադարանի աշխատակիցները: Հայրենաշունչ բանաստեղծություններով, երգերով ու պարերով համեմվեց ողջ միջոցառումը, որն իր տրամաբանական շարունակությունն ու ավարտն ունեցավ քարե Այբբենարանի շուրջ, ուր աշակերտներին հաճելի անակնկալ էր սպասում Սիսիանի ավագանու անդամ Բագրատունի Ստեփանյանի կողմից` պատկերազարդ գրքերի տեսքով:
Պատմում են լուսանկարները…

<<Հայոց բանակը մեր պարծանքն է>>

Շնորհավո~ր տոնդ, 26-ամյա ՀԱՅՈՑ ԲԱՆԱԿ

   

12.12..2017 <<Եղիցի խաղաղություն>> 

Սիսիանի հ 2 հիմնական դպրոցի III ա դասարանի աշակերտները (դասվար` Ա. Կարապետյան), երկար կհիշեն 2007թ. դեկտեմբերի 11-ը, քանի որ անակնկալ այցովհարազատ դպրոց հյուր էր եկել նախկին շրջանավարտ, ապրիլյան պատերազմի մարտական գործողությունների ակտիվ մասնակից, <<Մարտական ծառայություն>> մեդալի արժանացած Սամվել Առաքելյանը:
Ս. Առաքելյանի առաջին ուսուցչուհին` Ա. Կարապետյանը, սիրով, գորովով, անթաքույց հպարտությամբ փոքրիկներին ներկայացրեց, թե ինչպիսի աշակերտ էր նա, կարևորեց նրա մարդկային որակները, որակներ, որոնք էլ մղեցին հերոսին անօրինակ սխրանքների:
Տեսնել էր պետք փոքրիկների կայծկլտուն աչքերը, վառվռուն հայացքները` ուղղված Ս. Առաքելյանին, երբ նա պատասխանում էր աշակերտների հարցերին, որոնք վերաբերում էին հերոսի անցած ու անցնելիք ուղուն: Նա սիրով արձագանքեց աշակերտների բարեմաղթանքներին, որոնցով էլ նրանք ճանապարհեցին քաջ ու սրտոտ, անվեհեր սիսիանցուն` Սամվել Առաքելյանին:

Բռնությունների կանխարգելում

Բաց դաս Սիսիանի հ 2 հիմնական դպրոցում <<Բռնությունների կանխարգելում>> թեմայով:

 

 

 

24.10.2017

Աշխարհագրության դաս 8-րդ ա դասարանում նվիրված ՄԱԿ-ի ստեղծման 72 և ՄԱԿ-ին ՀՀ անդամակցության 25 ամյակին:
Ուսուցչուհի` Գ.Քարամյան

01.09.2017թ.

Սիսիանի հ 2 հիմնական դպրոցը սիրով շնորհավորում է սեպտեմբերի 1-ի` Գիտելիքի, գրի և դպրության օրվա առիթով, մաղթում անվարան երթ դեպի գիտելիքների զարմանահրաշ աշխարհ:
Բարի երթ…